Teri zaat se nikalna chahta hai
ye darya rukh badalna chahta hai
Wo sapna jis ki soorat hi nahi hai
Meri aankhon mein chalna chahta hai
Dilon ki maandgi pe kya taajub
K sooraj bhi to dhalna chahta hai
Nashist dard badli hai to ab dil
Zara pehlu badlna chahta hai
Mujhey bhi saamna hai karbala ka
Mera sir bhi uchalna chahta hai
Nahi hain tarjumaan e gham ye aansoo
Ye paani ab ubalna chahta hai
Tabassum zair e lab kehta hai "Amjad"
Koi jazba machalna chahta hai.
No comments:
Post a Comment