Suraj ko dafnanay aye
Dhalti shaam ke lambay saaye
Dukh ne sukh ka saans liya hai
Kaash koi phir yad na aye
Aik hi rasta ham donon ka
Dekhain kon kahan tak jaye
Aaj ghaat se khushbu barsi
Jaise koi zulfain lehraye
Kaash koi samjhaye us ko
Laikin kon usay samjhaye
Tujh se yun bichda ho jaise
Pathar se sheesha takraye
Banjar dharti pooch rahi hai
Chaand pe kis ne shahar basaye
Woh khushbu ki mauj hai “MOHSIN”
Kon us ki tasveer banaye.
No comments:
Post a Comment