Teri hijarton ka malaal tha Magar ab nahi
Mujhey sirf tera khyaal tha magar ab nahi
Teri be-misaal muhabbaton k nisaab mein
Tu zamaney bhar mein misaal tha magar ab nahi
Jisey tu ne dard attaa kiya wohi aadmi
Teri qurbton mein nihaal tha magar ab nahi
Mein teri talaash mein raiza raiza bikhar gaya
Wo junoon shoaq e wisaal tha magar ab nahi
Terey dar pe aakhri baar aa k palat gaya
Meri zindagi ka sawaal tha magar ab nahi.
No comments:
Post a Comment