Teri yaad wird e zubaan hui to ajeeb rang dikha gayi
Kabhi ashk aankh mei aa gaye, Kabhi lehar dil mei samaa gayi,
Ye jo ik shab ka hijaab hai, Isay darmiyaan se hataa kabhi
K talooh e subho ki aarzoo, Meri kitni neendein uraa gayi,
Merey zoaq e sajda k saamney Mera koi gham na theher saka,
Wo ek lamhey ki haazri, meri har khalish mitaa gayi,
Merey ghar se terey makaan tak, ye wohi sunehrey gulaab hain
Jinhein aansuon ki bahaar nu, Merey raastey mein bichaa gayi.
No comments:
Post a Comment