Sakoon pal ka nahi
Be kali jahaan ki hai
Mujhey di jo kahani
Ye aasmaan ki hai
Na poocho mujh se k
Kya khaak mein tolta hoon
Ye raakh bikhri zameen per
Merey makaan ki hai
Merey ye ghar k andherey
Merey wajood se hain
K bad naseebi meri khud
Merey hi nishaan ki hai
Fakhar karun bhi to kis per
K kuch nahi baaqi
Har ek jali si kali
merey gulistaan ki hai
Chunaa hai khaar
K phoolon mein zakham paaye hain
Gulon se bair nahi
Baat meri aan ki hai.
No comments:
Post a Comment