Khawab aankhon mein chhabho kar dekhun by Muhsin naqvi

Khawab aankhon mein chhabho kar dekhun

Kaash mein bhi kabhi so kar dekhun

Shayad ubhrey teri tasveer kahin

Mein teri yaad mein ro kar dekhun

Isi khawahish mein mitaa jaata hoon

Terey paon, Teri thokar dekhun

Ashk hain, Wehm ki shabnam k lahoo?

Apni palkein to bhigoo kar dekhun

Kaisa lagta hai bichar kar milna

Mein achanak tujhey kho kar dekhun

Ab kahaan apney girebaan ki bahaar

Taar mein zakham piroo kar dekhun

Merey honey se na hona behter

Tu jo chaahey, tera ho kar dekhun

Rooh ki gard se pehley "Muhsin"

Daagh e daman ko to dho kar dekhun.

Goya hai andaaz e ta'azeem ameeron jaisa by Muhsin Naqvi

Goya hai andaaz e Ta'azeem ameeron jaisa

Merey andar ka hai insaan faqeeron jaisa

Hum ne chehrey pe saja rakhi hai sheher ki ronaq

Dil ka aalam hai veeran jazeeron jaisa

Us k ausaaf o khsyaal ne mujhey jeet lia

Merey mureedon mei tha wo shakhs peeron jaisa

Us se pehley thi aseeri bhi rihaayi jaisi

Ab k azaadi mei hai haal aseeron jaisa

Usko ganwa k hain khsaarey ab tak "Muhsin"

Wo jo ik shakhs merey saath tha heeron jaisa.

Diya khud se bhuja dena by Muhsin Naqvi

Diya khud se bhuja dena

Hawa ko aur kia dena?

Sitaarey nochney waalo 

Falak ko aasra dena.

Kabhi is toar se hansna 

K dunia ko rula dena.

Kabhi is rang se rona

K khud pe muskara dena.

Mein teri dastrus chaahun

Mujhey aisi dua dena.

Mein tera barmla mujrim

Mujhey khul kar saza dena.

Mein tera munfrid saathi

Mujhey hat kar jazaa dena.

Mera sar sab se ooncha hai 

Mujhey maqtal naya dena.

Mujhey acha laga "Muhsin"

Usay paa kar ganwa dena.

Safar e manzil e shab yaad nahi by nasir kaazmi

Safar e manzil e shab yaad nahi

Log rukhsat huey kab yaad nahi

Awaaleen qurb ki sarshari mein

Kitney armaan thay jawab yaad nahi

Dil mein har waqt chubhan rehti thi

Thi mujhey kis ki talab yaad nahi

Wo sitara thi k shabnam thi k phool

Ik soorat thi ajab yaad nahi

Kesi veeraan hai guzargaah e khayal

Jab se wo aariz o lab yaad nahi

Aisa uljha hoon gham e dunia mein

Ik bhi khawab e tarb yaad nahi

Bhooltey jaatey hain maazi k dayaar

Yaad aayein bhi sab to yaad nahi

 Rishta e jaan tha kabhi jiska khayaal

Uski soorat bhi to ab yaad nahi

Ye haqeeqat hai k ehbaab ko hum

Yaad hi kab thay k ab yaad nahi

Yaad hai sair e charaaghan "Nasir"

Diye k bhujney ka sabab yaad nahi.

Wo jazbon ki tijarat thi, Yeh dil kuch aur samjha tha

WO jazbon ki tajarat thi, ye dil kuch aur samjha tha

Usay hansney ki aadat thi, ye dil kuch aur samjha tha,

Mujhey us ne kaha aao nayi dunia basatey hain

Usay sooji shrarat thi ye dil kuch aur samjha tha,

Hamesha uski aankhon mein dhanak se rang rehtey thay

Yeh uski aam halat thi, Ye dil kuch aur samjha tha,

Merey kandhey pe sir rakh k kahin kho gayi thi wo

Ye ik waqti anaayat thi, Ye dil kuch aur samjha tha,

Muhey wo dekh kar aksar nigaahein pher leti thi

Ye darparda haqeeqat thi, Ye dil kuch aur samjha tha.

Laghzishon se mawra tu bhi nahi main bhi nahi

Laghzishon Se Mawra Tu Bhi Nahi Main Bhi Nahi 
Dono Insaan Haan Khuda Tu Bhi Nahi Main Bhi Nahi

Tu Jafa Ki Main Wafa Ki Raah Par Hoon Kamzan
Pichhe Mud Kar Dekhta Tu Bhi Nahi Main Bhi Nahi

Tu Mujhe Main Tujhe Ilzaam Deta Hoon Har Dam 
Apne Man Mein Jhankta Tu Bhi Nahi Main Bhi Nahi

,

Maslihat Ne Kar Diya Dono Mein Paida Iktilaf 
Warna Fitrat Ka Bura Tu Bhi Nahi Main Bhi Nahi

,

Badgumani Saher Mein Kisne Phaila Di Jab Ke
Ek Dusre Se Khafa Tu Bhi Nahi Main Bhi Nahi

Jaane Mohsin Tu Bhi Tha Ziddi Ana Mujh Mein Bhi Thi 
Dono Kud Ser The Jhuka Tu Bhi Nahi Main Bhi Nahi…

Sakoon pal ka nahi

Sakoon pal ka nahi

Be kali jahaan ki hai

Mujhey di jo kahani 

Ye aasmaan ki hai

Na poocho mujh se k

Kya khaak mein tolta hoon

Ye raakh bikhri zameen per 

Merey makaan ki hai

Merey ye ghar k andherey

Merey wajood se hain

K bad naseebi meri khud 

Merey hi nishaan ki hai

Fakhar karun bhi to kis per

K kuch nahi baaqi

Har ek jali si kali

merey gulistaan ki hai

Chunaa hai khaar 

K phoolon mein zakham paaye hain

Gulon se bair nahi

Baat meri aan ki hai.

Ku ba Ku phail gayi baat shanaasayi ki by Parveen shaakir

Ku ba Ku phail gayi baat shanaasayi ki

Us ne khushboo ki tarha meri pazeraayi ki

Kaisey keh doon k mujhey chhor dia us ne

Baat to sach hai magar baat hai ruswayi ki

Wo kahin bhi gaya lota to merey paas aaya

Bus yahi baat achi hai merey harjaayi ki

Tera pehlu terey dil ki tarha abaad rahay

Tujh pe guzrey na qayamatshab e tanhaayi kji

Us ne jalti hui paishaani pe jo haath rakha

Rooh tak aa gayi ta'aseer maseehayi ki.

Chaand k saath kayi dard puraaney nikley by Amjad Islam Amjad

Chaand k saath kayi dard puraaney nikley

Kitney gham thay jo terey gham k bahaney nikley

Fasal e gul aayi phir ek baar aseeran wafa

Apney hi khoon k darya mein nahaaney nikley

Hijar ki chhot ajab sang shikan hoti hai

Dil ki be faiz zameeno se khazaney nikley

Umar guzri hai shab tar mein aankhein maltey

Kis ufaq se mera khursheed na jaaney nikley

Koh e qatal mei chaley jaisey shaheedon ka jaloos 

Khawab youn bheegti aankhon ko sajaney nikley

Dil ne ik eeent se tameer kiya taj mahal

Tu ne ik baat kahi laakh fasaney nikley

Dasht e tanhayi e hijraan mein khara sochta hoon

Haaye kya log mera saath nibhaney nikley

Mein ne "Amjad" usay be-waasta dekha hi nahi

Wo to khushboo mein bhi aahat k bahaney nikley.

Aisi hi sard shaam thi wo bhi

Aisi hi sard shaam thi wo bhi

Jab wo mehndi rachaye haathon mein

Apni aahat k khof se larzaan

Surkh aanchal mein munh chhupaye huey

Apney khat mujh se leney aayi thi

Uski sehmi hui nigaahon mein

Kitni khamosh iltijaaein thein

Us k chehrey ki zard rangat mein

Kitni majboorion k saaye thay

Merey haathon se khat pakartey hi

Jaaney kya soch kar achanak wo

Mera shaana pakar kar royi thi

Us k yaqoot rang honton k

Kapkapatey huey kinaron per

Sainkaron an kahey fasaney thay

Sard shaamon mein dair tak aksar

Jab ye manzar dikhayi deta hai

Ik lamha hinaayi haathon se 

Mujh ko apni taraf bulaata hai

Humnasheen rooth kar na ja mujh se

Aisi hi sard shaam thi wo bhi.

Jo utar k zinaa e sham se teri chashm e khash mein samaa gaye by Amjad Islam Amjad

Jo utar k zinaa e shaam se teri chashm e khush mein samaa gaye

Wohi jaltey bujhtey se mehar o maah merey baam o dar ko sajaa gaye

Ye ajeeb khel hai ishq ka mein ne aap dekha ye moajzaa

Wo jo lafz merey gumaan mein thay wo teri zubaan pe aa gaye

Wo jo geet tum ne suna nahi meri umar bhar ka riyaaz tha

Merey dard ki thi daastaan jisey tum hansi mein uraa gaye

Wo chiraagh e jaan kabhi jis ki loo na kisi hawa se nagoon hui

Teri bewafai k waswasey usay chupkey chupkey bhuja gaye

Wo tha chaand shaam e wisaal kak tha roop terey jamaal ka

Meri rooh se meri aankh tak kisi roshni mein naha gaye

Ye jo bandgaan e nayaaz hain ye tamaam hain wo lashkari

Jinhein zindagi ne amaan na di to terey hazoor mein aa gaye

Teri be-rukhi k dayaar mein, Mein hawa k saath hawa hua

Terey a'ainey ki talaash mein, Merey khawab chehra ganwa gaye

Terey waswason k fishaar mein tera sharaar rang ujar gaya

Meri khawahishon k ghubaar mein, merey maah o saal e wafa gaye

Wo ajeeb phool se lafz thay terey hont jin se mehak uthay

Merey dasht e khawab mein door tak koi baagh jaisey laga gaye

Meri umar se na simat sakey merey dil mein itney sawaal thay

terey paas jitney jawaab thay teri ik nigaah mein aa gaye.

Usay mein ne hi likha tha.

Usay mein ne hi likha tha

K lehjey baraf ho jayein

To phir pighla nahi kartey

Parindey dar k urr jayein

To phir lota nahi kartey

Yaqeen ik baar uth jaye

Kabhi wapis nahi aata

Hawaaon ka koi toofan

Baarish nahi laata.

Usay mein ne hi likha tha

Jo sheesha toot jaye to

Kabhi phir jurr nahi paata

Jo raastey se bhatak jayein

Wo waapis murr nahi paata

Usay kehna wo be-maani adhoora khat

Usay mein ne hi likha tha

Usay kehna k deewaney mukamal khat nahi likhtey.

Kisi ki aankh jo purnam nahi hai

Kisi ki aankh jo purnam nahi hai

Na samjho ye k usko gham nahi hai

Savad e dard mein tanha khara hoon 

Palat jaon magar mosam nahi hai 

Samajh mein kuch nahi aata kisi k 

Agarchey guftgu mubhim nahi hai

Sulagta kyun nahi tareek jungal

Talab ki loo agar madham nahi hai

Ye basti hai sitam parwardigaan ki

Yahaan koi kisi se kam nahi hai

Kinaara doosra darya ka jaisey

Wo saathi hai magar marham nahi hai

Dilon ki roshni bujhney na dena

Wajood e tairgee muhkim nahi hai

Mein tumko chah k pachtaa raha hoon
Koi is zakham ka marham nahi hai

Jo koi sun sakey "Amjad " to suna dena
Ba juz ik baaz gasht e gham nahi hai.

Khud apney liye beth k sochein gey kisi din by Amjad Islam Amjad

Khud apney liye beth k sochengey kisi din

Youn hai k tujhey bhool k dekhein gey kisi din

Bhataktey huey phirtey hain kayi lafz jo dil mei

Dunya ne dia waqt to likheingey kisi din

Hil jaayein gey ik baar to arshon k dar o baam

Ye khaak nasheen log jo bolein gey kisi din

Aapis ki kisi baat ka milta hi nahi waqt

Har baar ye kahein hain k baithein gey kisi din

Ae jaan  teri yaad k be-naam parindey

Shaakhon pe merey dard ki utrein gey kisi din

Jaati hai kisi jheel ki gehrayi kahaan tak

Aankhon mein teri doob k dekhein gey kisi din

Khushboo se bhari shaam mein jugnu k qalam se

Ik nazam terey waastey likhein gein kisi din

Soyein gey teri aankh ki khilvat mein kisi raat

Saaye mein teri zulf ki jaayein gey kisi din

Khushboo ki tarha, Asal e saba khaak numa se

Galion se terey sheher ki guzrein gey kisi din

"Amjad" hai yahi ab k kafan baandh k sir se

Is sheher e sitamgar mein jaayein gey kisi din.

Kuch aisey ghao bhi hotey hain

Kuch aisey ghaao bhi hotey hain

Jinhein zakhmi aap nahi dhootey

Bin roye hoye aansuon ki tarha

Seeney mein chhupa k rakhtey hain

Aur saari umar nahi rotey.

Neendein bhi muhaiyaa hoti hain

Sapney bhi door nahi hotey

Kyun phir bhi jaagtey rehtey hain

Kyun saari raat nahi sotey.

Ab kis se kahein Ae jaan wafa

Ye ehl e wafa kis aaga mein jaltey rehtey hain

Kyun bujh k raakh nahi hotey.

Na shikaytein karey na gila karey

Na shikaytein na gila karey

Koi aisa shakhs hua karey

Jo merey liye hi saja karey

Mujh hi se baatein kia karey.

Kabhi roye jaaye wo be-panaah

Kabhi be-tahaasha udaas ho

Kabhi chupkey chupkey dabey qadam

Merey peechey aa kar hansa karey

Meri qurbatein meri chaahtein

Koi yaad karey qadam qadam

Mein taweel safar mein hoon agar

Meri waapsi ki dua karey.

Meri zindagi to firaaq hai by peer Naseer uddin naseer

Meri zindagi to firaaq hai, Wo azal se dil mein makeen sahi

Wo nigaah e shoq se door hain, Rage jaan se laakh qareen sahi

Hamein jaan deni hai ek din, Wo kisi tarha wo kahin sahi

Hamein aap khenchiye daar per, Jo nahi koi to hami sahi

Sar e toor ho sar e hashar ho, Hamein intizaar qabool hai

Wo kabhi milein, wo kahin milein, wo kabhi sahi, wo kahin sahi

Na ho un pe mera kuch bas nahi, K ye aashqi hai hawas nahi

Mein unhi ka tha mein unhi ka hoon, Wo mera nahi to nhi sahi

Mujhey bethney ki jagha miley, Meri aarzoo ka bharam rahay

Teri anjuman mein agar nahi, Teri anjuman k qareen sahi

Tera dar to humko na mil saka, teri rehguzar ki zameen sahi

Hamein sajda karney se kaam hai, Jo wahaam nahi to yahin sahi

Meri zindagi ka naseeb hai, Nahi door mujh se qareeb hai

Mujhey uska gham to naseeb hai, Wo agar nahi to nahi sahi

Jo ho faisla wo sunayie, Usay hashar pe na uthayie

Jo karein gey aap sitam wahaan, Wo abhi sahi wo yahin sahi

Usay dekhney ki jo lo lagi, To "Naseer" dekh hi lein gey hum

Wo hazaar aankh se door ho, Wo hazaar parda nasheen sahi.

Mein ne is tor se chaha tujhey aksar janaan!!!!

Mein Nay Is Tor Se Chaha Tujhy Aksar Janan ……..!

Jaisy Mahtab Ko Ba-ant Samandar Chahy…….!

Jaisy Soraj Ki Kiran Seep K Dil Mein Utray……!

Jaisy Khushbo Ko Hawa Rang Say Hat Kar Chahy…….! 

Jaisy Pathar K Kalejay Say Kiran Phootti Hai………

Jaisy Ghunchy Khuly Mousam Say Hina Mangty Hein…

Jaisy Khabon Me Kheyalon Ki Kaman Tootti Hai…..

Jaisy Barish Ki Dua Aabla Pa Mangty Hein…..

Mera Her Khab Mere Sach Ki Gawahi De Ga……..

Wusat E Deed Ne Tujh Se Teri Khahish Ki Hai……..

Meri Sochon Me Kabhi Dekh Sarapa Apna……….!!!

Mein Ne Dunya Se Alag Teri Parastish Ki Hai………!!!

Khahish E Deed Ka Mousam Jo Kabhi Dhundla Howa

Noch Dali Hein Zamano Ki Naqabein Mein Nay……..

Teri Palkon Pe Otarti Hue Subhon K Liye….

Torr Dali Hein Sitaroon Ki Tanabein Mein Nay…. 

Mein Ne Chaha K Tere Husan Ki Gulnar Fiza….

Meri Ghazalon Ki Qataron Se Dehakti Jaey….

Mein Ne Chaha K Meray Fun K Gulistan Ki Bahar….

Teri Ankhon K Gulabon Se Mehakti Jaey….

Teh Toh Ye Tha K Sajata Rahy Lafzon K Kanwal!!

Mere Khamosh Kheyalon Mein Takalum Tera…

Raqs Karta Rahy Bharta Rahy Khushbo Ka Khumar…..

Meri Khahish K Jazeeron Mein Tabasum Tera…..

Toh Magar Ajnabi Mahool Ki Parwarda Kiran

Meri Bujhti Hue Raton Ko Sehar Kar Na Saki….

Teri Sanson Me Maseehai Thi Lekin Toh Bhi

Chara E Zakham E Gham E Deeda E Tar Kar Na Saki….

Tujh Ko Ehsas He Kab Hai K Kisi Dard Ka Dagh…

Ankh Se Dil Me Utar Jaey To Kiya Hota Hai….

Toh K Seemab Tabiyat Hai Tujhy Keya Maloom

Mousam E Hijar Thehar Jaey To Keya Hota Hai

Tu nay Us Morr Pe Torra Hai Taluq K Jahan

Dekh Sakta Nahi Koi Bhi Palat Kar Janan………

Ab Ye Aalam Hai K Ankhein Jo Khulein Gi Apni

Yad Aey Ga Teri Deed Ka Manzar Janan……

Mujh Se Mangy Ga Tere Ohad E Mohabbat Ka Hisab…….!!!

Tere Hijran Ka Dehakta Huwa Mehshar Janan

Youhn Mere Dil K Barabar Tera Ghum Aya Hai……..

Jaisy Sheeshy K Muqabil Koi Pathar Janan………

Jaisy Mahtab Ko BeAnt Samondar Chahy

Mein Ne Is Tor Se Chaha Tujhy Aksar Janan

Sab maya hai by Ibn e Insha

Jab daikh lia har shakhs yahan harjayi hai

Is sheher se door ek kutia hum ne banayi hai

Aur us kutia k maathey per likhwaya hai

        "Sab Maya Hai"

Zindagi se yahi gila hai mujhey by Ahmed Faraz

Zindagi se yahi gila hai mujhey

Tu bohat dair se mila hai mujhey

 

Tu mohabbat se koi chaal to chal

Haar jaaney ka hosla hai mujhey

 

Dil dharakta nahi tapakta hai

Kal jo khawahish thi aablaa hai mujhey

 

Humsafar chahiye hajoom nahi

Ik musafir bhi qaafla hai mujhey

 

Koh kan ho Qais ho k "Faraz"

Sab mein aik hi shakhs mila hai mujhey.

Teri zaat se nikalna chahta hai by Amjad islam Amjad

Teri zaat se nikalna chahta hai

ye darya rukh badalna chahta hai

 

Wo sapna jis ki soorat hi nahi hai

Meri aankhon mein chalna chahta hai

 

Dilon ki maandgi pe kya taajub

K sooraj bhi to dhalna chahta hai

 

Nashist dard badli hai to ab dil

Zara pehlu badlna chahta hai

 

Mujhey bhi saamna hai karbala ka

Mera sir bhi uchalna chahta hai

 

Nahi hain tarjumaan e gham ye aansoo

Ye paani ab ubalna chahta hai

 

Tabassum zair e lab kehta hai "Amjad"

Koi jazba machalna chahta hai.

Zindagi k meley mein by Amjad Islam Amjad.

zindagi ke mele mein
khvaahishon ke rele mein
tum se kyaa kahen jaanaa
is qadar jhamele mein
vaqt ki ravaani hai
bakht ki giraani hai
sakht bezamini hai
sakht laamakani hai
hijr ke samandar mein
takht aur takhte ki
ek hi kahaani hai
tum ko jo sunaani hai

baat go zaraa si hai
baat umr bhar ki hai
umr bhar ki baatein kab
do ghadii mein hoti hain
dard ke samandar mein
anginat jaziren hain
beshumaar moti hain
aankh ke dariche mein
tum ne jo sajaaya thaa
baat us diye ki hai
baat us gile ki hai
jo lahuu ki khilvat mein
chor ban ke aata hai
lafz ke fasilon par
tuut tuut jaataa hai

zindagi se lambi hai
baat rat_jage ki hai
raaste mein kaise ho
baat takhaliye ki hai
takhaliye ki baaton mein
guftaguu izaafi hai
pyaar karane vaalon ko
ik nigaah kaafi hai
ho sake to sun jaao
ek din akele mein
tum se kyaa kahen jaanaan
is qadar jhamele mein.

Random poetry

Abhi to chand lafzon mein samaita hai tujhey mein ne

Abhi meri kitabon mein teri tafseer baaqi hai

 

Tum jis adaa khud sari pe ho maghroor

Nisaab e ishq mein wo zulm ki had hoti hai.

Shaam k surmayi andheron mein

 

Shaam k surmayi andheron mein

Youn merey dil k daagh jaltey hain

Jaisey parbat k sabaz perron per

Baraf k baayd dhoop parti hai

Jaisey sehra ki rait urr urr kar

Ajnabi ka tawaf karti hai

Aah bharta hoon

Ashk peeta hoon

Roz marta hoon

Phir bhi jeeta hoon

Kitni masoom aarzoon ko

Kis tarha log tor jaatey hain

Jaisey dum tortey musafir ko

Qaafley waaley chhor jaatey hain

Shaam k surmayi andheron mein

Youn teri yaad saath chalti hai.

Kab talak shab k andherey mein sehar ko tarsey

 

Kab Talak Shab K Andhere Mein Sehar Ko Tarse
Wo Musafir Jo Bhare Shehar Mein Ghar Ko Tarse

 

Ankh Thehray Hoye Pani Se Bhi Kaktrati Hai
Dil Wo Rehro Kay Samandar Kay Safar Ko Tarsay

 

Mujh Ko Us Qahat Kay Mousam Se Bacha Ya Rab Sukhan
Jab Koi Ahl e Hunar Arz e hunar Ko Tarsay

 

Ab Kay Is Toor Muslat Howa Andhera Her So
Hijar Ki Raat Mere Dida Tar Ko Tarsay

 

Umar Itni Tu Ata Ker Mere Fun Ko Khaliq
Mera Dushman Mere Marne Ki Khabar Ko Tarsay

 

Usko Pa Ker Bhi Usay Dhond Rahi Hein Ankhain
Jese Pani Mein Koi Seep Gohar Ko Tarsay

 

Na Shanasai Kay Mousam Ka Asar Tu Dekho
Ayina Khal o Khad e Ayina Ko Tarse

Aik Dunia Hai Kay Basti Hai Teri Ankhon Mein
Wo Tu Hum Thay Jo Teri Aik Nazar Ko Tarsay

 

Shor e Sar Sar Mein Jo Sar Sabaz Rahi Hai Mohsin
Mousam e Gul Mein Wohi Shakh Samar Ko Tarsay.

Sarapa ashak hoon mein

Sarapa ashak hoon mein ab bikhar jaon to behter hai

Jidhar jaatey hain ye badal udhar jaon to behter hai

 

Ye dil kehta hai terey sheher mein kuch din theher jaon

Magar halaat kehtey hain k theher jaon to behter hai

 

Yahaan hai kon merajo mujhey samjhey ga "Muhsin"

Mein koshish kar k ab khud hi sudhar jaon to behter hai.

Teri hijarton ka malaal tha magar ab nahi.

Teri hijarton ka malaal tha Magar ab nahi

Mujhey sirf tera khyaal tha magar ab nahi

 

Teri be-misaal muhabbaton k nisaab mein

Tu zamaney bhar mein misaal tha magar ab nahi

 

Jisey tu ne dard attaa kiya wohi aadmi

Teri qurbton mein nihaal tha magar ab nahi

 

Mein teri talaash mein raiza raiza bikhar gaya

Wo junoon shoaq e wisaal tha magar ab nahi

 

Terey dar pe aakhri baar aa k palat gaya

Meri zindagi ka sawaal tha magar ab nahi.

masal e abar e zameen ka libaas ho jaon by Muhsin naqvi

 

Masal abr zameen ka libaas ho jaon

Jo youn nhi to sumandar ki piyaas ho jaon

 

Tamaam din ki kari dhoop mein ye sochta hoon

Mein shab k pichley pehar ka hiraas ho jaon

 

Ab apney waastey tujhey maangney se khoaf aaye

Tu haath uthaa k teri iltimaas ho jaon

 

Bujhi bujhi aankhon ki teergi ki qasam

Tujhey parhun to sitaara shanaas ho jaon

 

Khushi mili to kayi dard mujh se rooth gaye

Dua karo k mein phir se udaas ho jaon

 

Meri kitaab k unwaan zara qareeb aao

Mein apney aap tera iqtibaas ho jaon

 

Ab apney aap sanwarney ka shoaq kya "Muhsin"

Kisi ujartey huey dil ki aas ho jaon.

PATTON KI TARHA KHUD SE BIKHARTEY HUEY KUCH LOG BY MUHSIN NAQVI

 

 

Patton ki tareh khud se bikhartay hue kuch log

Aapas main bhi milte hain to darte hue kuch log

 

Yeh dil bhi ajab aaina-khana hai ke is main

Aabad hain her lamha sanwartay hue kuch log

 

Sehraaon ki wusaat pe anab tanz hain “MOHSIN”

Charhtay hue dariya main utartay hue kuch log

 

Zindagi kya hai kabhi dil mujhe samjhaye to!

Maut achi hai ager waqt pe aa jaye to!

 

Mujh ko zid hai ke jo milna hai falak se utre!

Us ki khawahish hai daaman koi phailaye to!

 

Kitni sadiyon ki rafaqat, main usay pehna dun!

Shart yeh hai woh musafir kabhi laut aaye to!

 

Dhoop “MOHSIN” hai ghanimat mujhe ab bhi laikin!

Meri tanhai ko saya mera behlaye to _____ !

Jab aankh main kuch khaak si urti nazar ayi

Samjhe sabhi khush-fahem haad-e-safar ayi

 

Ik umer to jagay thay ke chhat jaye andhera

Pal-bhar ko lagi ankh to milne seher ayi

 

Dil main hai ajab saat-e-no roz ka aalam

Bhooli hui ik yaad sar-e-shaam gher ayi

 

Us ne bhi kia raah badalne ka irada

Ik tuhmat-e-paiham thi ke “MOHSIN” ke ser ayi

 

Badan main utrain thakan ke saaye to neend aye

Yeh dil kahani koi sunaye to neend ayay

 

Bhujhi bhujhi raat ki hatheli per mukra ker!

Charagh-e-wada koi jalaye to neend ayay

 

Hawa ki khawahish pe kon aankhain ujaarta hai

Diye ki loo khud se thar-tha-raye to neend ayay

Bas ik aansoo bohat hai”MOHSIN” ke jaagnay ko

Yeh ik sitara koi bhujaye to neend ayay.

Mein jahan be-lab tha phir bhi asoolon pe arr gaya

 

 

Main jahan be-lab tha phir bhi asoolon pe aar gaya

 

Bhujta huwa charagh hawaon se laar gaya

 

Kis kis ka saath de koi mailay ki bheer main

 

Phir yun howa woh achanak bichad gaya

 

Main ne qadam barhaya jo sehra ki dhoop main

 

Ghabra ke mera saya, mere paon par gaya

 

“MOHSIN” dil-e-garib ki veeraniyan tu daikh

 

Kaisa nagar tha jo tere hathon ujar gaya.

Suno aisa nahi karta

 

Suno aaisa nahi kertay!

 

Safar tanha nahi kertay!

 

Jise shafaf rekhna ho

 

Usay maila nahi kertay!

 

Bohat ujre hue ghar pe

 

Bohat socha nahi kertay!

 

Safar jis ke muqadar ho

 

Usay roka nahi kertay!

 

Jo mil ker khud se kho jaye

 

Usay ruswaa nahi kertay!

Yeh onchaion pe kaise hain

 

Kahie saya nahi kertay!

 

Chalo tum raaz ho apna

 

Tumhain afshaan nahi kertay!

 

Teri ankhon ko parhtay hain

 

Tujhe dekha nahi kertay!

 

Sahar se pooch lo “MOHSIN”

 

Ke hum soya nahi kertay!

Itni shohrat bhi kahan chahi thi khud se main ne by Muhsin Naqvi

 

 

Itni shohrat bhi kahan chahi thi khud se main ne

Apne hi shaher ka har shaks adoo mera hai

Dhoop chaoon ki yeh rut DIL main tehar janey de

Aks tera hai tu saya labey jo mera hai

 

Patharon se hai MOHABBAT mujhe yun bhi “MOHSIN”

Sang-dil shehar main ik aina-ro mera hai

 

Woh bazahir jo zamanay se khafa lagta hai

Hans ke bolay bhi to duniya se juda lagta hai

 

Or kuch dair na bujhne de isay Rabb-e-sahar

Doobta chand meri dast-e-dua main lagta hai

 

Jis se munh pher ke rastey ki hawa guzri hai

Kisi ujray hoye aangan ka diya lagta hai

 

Munh chupaye hoye guzra hai jo mujh se aaj

Us ki ankhoon main koi zakhm naya lagta hai

 

Ab to “MOHSIN” ke tassavur main utar Rab-e-jaleel

Is udaasi main to Pathtar bhi khuda lagta hai.

Ik moaj e subh e junoon taiz bohat hai by Muhsin naqvi

Ik moja-subh-e-janoon taiz bohat hai

 

Ik saans ka sheesha hai ke labraiz bohat hai

 

Palkon pe charagh ko sambhaley hoye rekhna

 

Es hijar ke mosam ki hawa tiaz bohat hai

 

Kia us ke khad-o-khaal khulain apni ghazal main

 

Wo shahar ke logon main kam-aamaiz bohat hai

 

“MOHSIN” us se mila hai to dukhney do yeh ankhain

 

Kuch dair or bhi jago ke wo “SHAB KHAIZ” bohat hai.

Suraj ko dananey aaye by Muhsin Naqvi

Suraj ko dafnanay aye

 

Dhalti shaam ke lambay saaye

 

Dukh ne sukh ka saans liya hai

 

Kaash koi phir yad na aye

 

Aik hi rasta ham donon ka

 

Dekhain kon kahan tak jaye

 

Aaj ghaat se khushbu barsi

 

Jaise koi zulfain lehraye

 

Kaash koi samjhaye us ko

 

Laikin kon usay samjhaye

 

Tujh se yun bichda ho jaise

Pathar se sheesha takraye

 

Banjar dharti pooch rahi hai

 

Chaand pe kis ne shahar basaye

 

Woh khushbu ki mauj hai “MOHSIN”

 

Kon us ki tasveer banaye.

Bichar kar mujh se tu ne kabhi ye bhi socha hai

 

 

Bichar ke Mujh Se Kabhi Tu Ne Ye Bhi Socha Hai

Adhura Chand Bhi Kitna Udaas Lagta Hai

 

Ye Khatme-Wasal Ka Lamha Hai Raigaan Na Samajh

Ke Is ke Baad Wohi Dooryon Ka Sehra Hai

 

Kuch Aur Der Na Jharna Udassiyon Ke Shajar

Kise Khabar Tere Saye Main Kaun Baitha Hai?

 

Ye Rakh-Rakhao Muhabat Sikha Gaye Us Ko

Wo Rooth Ker Bhi Mujhe Muskura Ker Milta Hai

 

Main Kis Tareh Tujhe Daikhon Nazar Jhijhakti Hai

Tera Badan Hai Ke Ye Ainoon Ka Darya Hai?

 

Kuch Is Kadar Bhi To Aasan Nahi Hai Ishq Tera

Ye Zeher Dil Main Utar Kar Hi Raas Aata Hai

 

Mai Tujh Ko Pa Ke Bhi Khoya Hua Sa Rehta Hoon

Kabhi Kabhi To Mujhe Tu Ne Theek Samjha Hai

Mujhe Khabar Hai Ke Kya Hai Judaiyon Ka Aazaab

Ke Main Ne Shaakh Se Gul Ko Bicharte Dekha Hai

 

Mai Muskura Bhi Para Hun To Kyon Khafa Hain Ye Log

Ke Phool Tooti Hui Qabar Par Bhi Khilta Hai

 

Isay Ganwaa Ke Main Zinda Hoon Is Tarah

Ke Jaise Taiz Hawa Main Chiraagh Jalta Hai

 

Mein tujh ko paa k bhi khoya khoya sa rehta hoon

Kabhi kabhi tum ne mujh ko theik samjha hai.

Kaho to loat jaatey hain by Muhsin Naqvi

Kaho To Laut Jate Hain
Abhi To Baat Lamhon Tak He, Saalon Tak Nahi Aai
Abhi Muskaanon Ki Nobat Bhi Naalon Tak Nahi Aai
Abhi To Koi Majborri Khiyaalon Tak Nahi Aai
Abhi To Gard Peroon Tak Hay. Baalon Tak Nahi Aai


Kaho To Laut Jate Hain
Chalo Ek Faisla Karne Shajar Ki Aut Jate Hain
Abhi Kajil Ki Dori, Surkh Galon Tak Nahi Aai
Zubaan Datoon Talak Hai Zehr Piyaalon Tak Naheen Aai
Ibhi To Mushk-E-Kustori Ghazaloon Tak Nahin Aai
Ibhi Rodad-E-Beunwaan Humaray Darmian He, Duniyan Waaloon Tak Nahin Aai
Kaho To Lout Jatan Hain

Chalo Ik Faisala Karnay Sharjer Ki Out Jatan Han
Abhi Nazdeek Hein Ghar Aur Manzil Door He Apni
Mubada Naar Ho Jayay Ye Hesti Noor Hai Apni

Kaho To Lout Jatay Han
Chalo Ik Fasala Karnay Shajar Ki Out Jatan Han.
Ye Rasta Piyar Ka Rasta,
Rasan Ka Daar Ka Rasta,
Bohat Dushwar He Jaana
Keh Is Rastay Ka Her Zarra Bhi Ik Kohsar He Jana.

Kaho To Lout Jatay Hain

Maray Baray Na Kuch Socho
Mujhay Tay Karna Ata He
Rasan Ka Daar Ka Rasta
Ye Asaiboon Bhara Rasta
Ye Andhi Ghaar Ka Rasta

Tumhary Gaisoowun Ki Chaoon Mil Jayay
To Suraj Se Ulajhna Baat He Kia He
Utha Lo Apna Saya To Meri Ouqat Hi Kia He
Tumhara Narm O Nazuk Hath Ho Gr Mere Haathon Me
To Me Ye Samjho Ga
Ke Jasay Do Jahan Ho Mari Muthi Me
Tumhara Kurb Ho To Mushkilan Kafoor Ho JaYen
Ye Undhay Ur Kalay Rastay Pur Noor Ho JaYan.

Mujhe Maloom Hei Itna Keh Dayem Zandagi Posheeda He In Char Kadmoon Me
Bohat Si Ra-Hatan Muzmir Hain In Dushwar Rastoon Man
Meray Baray Na Kuch Socho
Tum Apni Bat Batlaoo
Kahoo To Chaltay Rahtay Hain…

Tu mera naam na poocha kar

 

Tu mera naam na poocha kar

Main teri zaat ka hissa hoon

Main teri soch main shamil hoon

Main teri neend ka qissa hoon

Main terey khwab ka haasil hoon

Main teri yaad ka mehwar hoon

Main teri saans ka jhonka hoon

Tu manzar, main pas manzar hoon

Main lamha hoon, main jazba hoon

Jazbey ka koi naam nahi

Tu mera naam na poocha kar

Sheher e khawab o khayal mein

 

Sheher e khawab o khayal mein abaad ho gaya

Itna usay parha k mujhey yaad ho gaya,

 

Mein aaj tak hoon jis k faraib o hisaar mein

Wo aur kisi ka merey baayd ho gaya

 

Aandhi hawa ka saath nibhaney k shoaq mein

Koi tabaah hua koi barbaad ho gaya

 

Apni to saari umar aseeri mein kat gayi

Jis ne bhi haar maan li azaad ho gaya

 

Pehley to shehnayion se rahi guftgu meri

Phir youn hua k a'ainaa aejaad ho gaya.