Ik baat kahun gar

Ik baat kahun gar sunti ho

Tum mujh ko achi lagti ho

Kuch chup chup si

Kuch chanchal si

Kuch pagal pagal lagti ho

Hain chahney waaley aur bohat

Per tum mei hai ek baat alag

Tum apni apni lagti ho

Ik baat kahun gar sunti ho

Ye baat baat pe kho jana

Youn kehtey kehtey ruk jana

Kya baat hai hum se keh daalo

Ik baat kaho gar sunti ho

Tum mujh ko achi lagti ho.

Hamara dil savarey ka

Hamara dil savere ka sunahra jaam ho jaye

Chiraghon ki tarah aankhen jalen jab shaam ho jaye

Kabhi to aasman se chand utre Jaam ho jaye

Tumhaare naam ki ek khubsoorat shaam ho jaye

Ajab halaat they yun dil ka sauda ho gaya akhir

Mohabbat ki haweli jis tarah neelam ho jaye

Samandar key safar mein is tarah awaz de hamko

Hawayentez hon aurkashtiyonmeinshaamhojaye

Mujhe maloom hai uska thikana phir kahan hoga

Parinda aasman chhune meinjab nakaam ho jaye

Ujale apni yaadon ke hamare saath rahne do

Na jane kis gali mein zindgi ki shaam ho jaye

Parveen shakir.

Jitna bhi usko sochun,

Utna hi door paon,

Jitna bhi usko sochun

Utni hi bikharti jaon,

Mein aam si musafir

Be-Aas be sahara,

Wo door basney waala

Ik aasmaan ka taara,

Mein rait se uljhti

Sehrayon ki hawa hoon,

Wo saahlon pe chalta

Baad e saba ka jhonka,

Haan farq to bohat hai,

Magar baat ye faqt hai,

Mein laakh toot jaon

Khud hi se rooth jaon

Per,

Ye na hoga mujh se,

Mein usko bhool paon.

Zakham muskaratey hain ab bhi teri aahat per.

Zakham muskaratey hain ab bhi teri aahat per

Dard bhool jaatey hain ab bhi teri aahat per,

 

Shabnami sitaron mein phool khilney lagtey hain

Chand muskaratey hain, Ab bhi teri aahat per,

 

Umar kaat di lekin bachpana nahi jaata

Hum diye jalatey hain ab bhi teri aahat per,

 

Ghantian si bachti hain raqs honey lagta hai

Dard jagmgatey hain ab bhi teri aahat per,

 

Teri yaad aaye to neend jaati rehti hai

Khawab toot jaatey hainab bhi teri aahat per,

 

Jo sitam karey sab qabool hai dil ko

Hum khushi manatey hain ab bhi teri aahat per,

 

Ab bhi teri aahat per chand muskarata hai,

Khawab gungunatey hain ab bhi teri aahat per,

 

Terey hijar mein hum per ik azaab taari hai

Choonk choonk jaatey hain ab bhi teri aahat per,

 

Dastakein sajaney k manzar nahi rehtey

Raastey sajatey hain ab bhi teri aahat per,

 

Ab bhi teri aahat per aas loat aati hai

Hum diye jalatey hain ab bhi teri aahat per.

Jab kabhi dil ghabraye to loat aana

Agar tujhey meri yaad sataye to loat aana,

 

Kuch waqt acha guzra hai saath tumharey

Us waqt ki awaz aaye to loat aana,

 

Ik waqt k liye sabhi dost ban jaatey hain

Jab koi tujhey thukraye to loat aana,

 

Najaaney kaisey din raat tunhari yaad mein guzartey hain

Ye paighaam mil jaye to loat aana!!!!!!!!!

Andheri RaAT

Andheri raat mein rehtey to kitna acha tha

Hum apni zaat mein rehtey to kitna acha tha

Dukhon ne baant lia hai tumharey baayd hamein

Tumharey haath mein rehtey to kitna acha tha.

Na tha kuch tha to khuda tha

Na Tha kucH to Khuda tha, Kuch na hota to Khuda hota
dubooYa mujhKo hoNi ne, na hota maiN to kya hota

hua jub Gam se Yun beHis, to Gum kya sar ke katNe ka
gar juda na hota tan sE, to zannon pur dhara hota

huI muddat ki Ghalib mar gaya, puR yaaD Aata hai
woh har ek baat pe kahena, ki yooN hota to kyA hota

Ye na thi hamari qismat.

Ye na thi hamari qismat ke visal e yar hota;
Agar aur jeete rehte, yehi intezar hota.

Tere vaade pe jiye hum, to ye jan jhoot jana;
Ke khushi se mar na jatay agar eitebar hota.

Teri nazuki se jana ke bandha tha ehd buoda;
Kabhi tu na tor sakta, agar astawaar hota.

Ye kahan ki dosti hai, ke bane hain dost naasih;
Koi chara saaz hota, koi gham gusaar hota.

Kahon kis se main ke kia hai, shab e gham buri bala hai;
Mujhe kia bura tha marna, agar eitebar hota.

Hoye mar ke hum jo ruswa, hoye kyon na gharq e darya;
Na kabhi janaza uthta, na kaheen mazaar hota.

Ye masa'il e tasawwuf, ye tera bayan Ghalib;
Tujhe hum wali samajhte jo na bada khuwar hota.

Faraz Poetry.

Wo jaanta tha k moat Mujhey sakoon bakhshey gi faraz,

Isi liye shab bhar dua mein maangta raha zindagi meri.

Jo guzar gaya so guzar gaya

Na gila kiye,

Na khafa huey,

Yunhi raastey mein judaa huey,

Na wo bewafa tha na mein bewafa,

Jo guzar gaya so guzar gaya,

Wo ghazal ki ek kitaab tha,

Wo gulon mein ek gulaab tha,

Zara der ka koi khawab tha,

Jo guzar gaya so guzar gaya,

Wo udaas dhoop samait kar,

Kahin waadion mein utar gaya,

usay ab na de merey dil sada,

Jo guzar gaya so guzar gaya,

Ye safar bhi kitna taweel hai,

Kahan loat kar koi aaye ga,

Jo guzar gaya so guzar gaya.

Wasi shah Poetry

Jo meri aankhon se

KHAWAB

 

Jo meri aankhon se khawab dekho

To ik bhi shab na so sako gey,

 

K laakh chaaho na hans sako gey

Hazaar chaho na ro sako gey,

 

K khawab kya hain azaab hain ye

Rafaaqtein unki choot'ti hain,

 

Mohabbatein inki rooth'ti hain

Pinpitee hain in mein wehshtein si,

 

Aziytein in mein phoot'ti hain

Inhi k sir se khazaan hain jazbey,

 

Inhi si shaakhein si toot'ti hain

Ghamon ki bandish hain khawab merey,

 

Dukhon ki baarish hain khawab merey

Ubal raha hai dukhon ka lawa,

Zameen aatish hain khawab merey

Khayal saarey jhulas gaye hain,

 

Sulagti khawahish hain khawab merey,

Ukharti saansein hain zindagi ki,

 

Lahuu ki saazish hain khawab merey

Jo meri aankhon se khawab dekho

To ik shab bhi na so sako gey.

Eid

Merey Aangan mein dabey paon,

Naye rog liye,

Saal k saal koi Eid chali aayi hai.

Chal Insha Apney Gaon Mein

Chal insha apne gaon mein...

---

Yahan ujle ujle roop bahot;
Par asli kam, behroop bahot.
Us pairr k neeche kia rukna?
Jahan saya kam ho, dhoop bhot.
Chal Insha Apne Gaon Mein...
Bethein ge sukh ki chaoon mein.
Q teri aankh sawali he?
Yahan har ik bat nirali he...
Is dais basera mat karna;
Yahan muflis hona gaali he...
Chal insha apne gaon mein;
Jahan sache rishte yaron k...
Jahan ghongat zewar naron k...
Jahan jharne komal sur wale...
Jahan saz bajen bin taron k...
Chal Insha Apne Gaon Mein
CHAL INSHA APNE GAON MEIN!!!

Judaai

Phool shaakh se bichrey to kahin ka nahi rehta,

Tum khud ko judaa meri zaat se soch kar karna.

Mohabbat

Mohabbat kar to li hum ne, Mohabbat pa nahi saktey

Bohat kehney ki khawahish hai, Magar bata nhi saktey,

 

Teri baatein teri yaadein Hamara dil dukhati hain

Boht takleef hoti hai, Tujhey suna nahi saktey,

 

Terey saath chalna hai teri manzil bhi ban'na hai

Bohat thak gaye hain hum ab aagey ja nahi saktey,

 

Suno hum toot jayein gey, Hamein kesey samaito gey

K mar k bhi meri jaan tujhey bhula nahi saktey.

Tu ne samjha hi nhi muqaam e muhabbat warna

Jahaan tak tera saath tha wahaan tak meri zindagi.

Ranjish Hi sahi Lyrics full

Ranjish Hii Sahii Dil Hii Dukhaane Ke Liye Aa
aa Phir Se Mujhe Chhod Ke Jaane Ke Liye Aa

pahale Se Maraasim Na Sahii Phir Bhii Kabhii To
rasm-o-rahe Duniyaa Hii Niibhaane Ke Liye Aa

kis Kis Ko Bataayenge Judaaii Kaa Sabab Ham
tuu Mujh Se Khafaa Hai To Zamaane Ke Liye Aa

kuchh To Mere Pindaar-e-muhabbat Ka Bharam Rakh
tuu Bhii To Kabhii Mujh Ko Manaane Ke Liye Aa

ek Umr Se Huun Lazzat-e-giriyaa Se Bhii Maharuum
ai Raahat-e-jaan Mujh Ko Rulaane Ke Liye Aa

ab Tak Dil-e-khushfaham Ko Tujh Se Hain Ummiiden
ye Aakhirii Shammein Bhii Bujhaane Ke Liye Aa

maanaa Ki Muhabbat Kaa Chhipaanaa Hai Muhabbat
chupake Se Kisii Roz Jataane Ke Liye Aa

jaise Tujhe Aate Hain Na Aane Ke Bahaane
aise Hii Kisii Roz Na Jaane Ke Liye Aa